სადაზღვევო კომპანია ალდაგი ბისიაიმ სოციალური პროექტის ფარგლებში ‘'გავულამაზოთ ერთი დღე ბავშვებს"  27 ივნისს  რიგით მესამე ღონისძიება გამართა. ამჯერად, ალდაგი ბისიაიმ კოჯრის მზრუნველობამოკლებული სახლის აღსაზრდელებს გაულამაზა ერთი დღე. ბავშვებმა დაათვალიერეს თბილისის ძველი უბნები და ქალაქის ღირსშესანიშნავი ძეგლები. დღის მეორე ნახევარი კოჯრის ბავშვთა სახლის აღსაზრდელებმა აკვა-პარკში გაატარეს. 

სოციალური პროექტი „გავულამაზოთ ერთი დღე ბავშვებს" ტარდება ალდაგი ბისიაის ორგანიზებით.  ის მიზნად ისახავს მზრუნველობამოკლებული ბავშვებისთვის ერთდღიანი დღესასწაულების მოწყობას მთელი საქართველოს მასშტაბით. ალდაგი ბისიაი ერთი წლის განმავლობაში 1000 ბავშვს გაულამაზებს ერთ დღეს.

სადაზღვევო კომპანია ალდაგი ბისიაის მიერ ორგანიზებულ სოციალურ პროექტში „გავულამაზოთ ერთი დღე ბავშვებს" ჩართულნი არიან კომპანიის ერთგული მომხმარებლებიც. მათ მიერ შეძენილი სადაზღვევო პოლისის საფასურის 1% ავტომატურად მოხმარდება პატარებისთვის ერთი დღის გალამაზებას. მომხმარებელს  აგრეთვე შეეძლება ნებაყოფლობით დამატებითი 1%-ის    გადახდა ბავშებისთვის.